BISPU D. CARLOS BELO SEI HETAN PRÉMIU INTERNATIONAL PRIZE FOR PEACE BUILDING

Fulan oin, loron 12 fulan-Outubru, Amo Belo sei hetan prémiu International Prize For Peace Building. Prémiu refere Amo Belo hetan hosi  organizasaun internasional ida koñesidu ho naran Ordo Supremus Militaris Templi Hierosolymitani (OSMTH).

Ordo Supremus Militaris Templi Hierosolymitani (OSMTH) mak organizasaun Cristã Ecumênica ne’ebé harii iha tinan 1804, bazeia ba tradisaun Cavaleiros Templários nian. Iha tinan 2001, OSMTH hetan kredensia hosi Konsellu Ekonómiku Sosial ONU nian hanesan Organizasaun Não Governamental. OSMTH mós hanesan membru  asosiadu ba organizasaun Internacional Peace Bureau (ne’ebé harii hosi fundadór Prémio Nobel, Alfred Nobel, iha tinan 1891). Aleinde ne’e, OSMTH  mós nu’udar organizasaun filiada ba Centro Internacional para Religião e Diplomacia (International Center for Religion and Diplomacy).

Tinan ida-ne’e, Grand Master no Grand Commander OSMTH sei fó onra ba Amo Belo liu-hosi prémiu International Prize For Peace Building. Amo Belo mak sei hetan primeiru prémiu refere tamba Amo ninia dedikasaun ba servisu umanitáriu. Prémiu  refere sei fó ba Amo Belo iha serimonia International Convent ne’ebé sei realiza iha loron 12 fulan-Outubru, iha Tomar, Portugal.

Prémiu International Prize for Peace Building hosi OSMTH ne'e sei lori Dom Carlos nia naran, no tinan-tinan sei fó ba ema ne'ebé servisu maka'as ba Paz iha mundu.

Dili, 21 Setembru 2019